القلب الحارس

لكل يلّي بيِحمونا... للحاضرين الغايبين.

في ناس منشوفها.
وفي ناس منحس فيها.
وفي حماية.. ما إلها شكل واضح. بس منَعرفها.

بهالفترة،
كلنا صرنا نِنتبه لهالإحساس أكتر.
وبغض النظر إذا كنا مقتنعين أو معترفين بالواقع يلّي عم نعيشُه،
كلنا معنيين بيلّي عم يصير.
وإنه في شي عم يحمينا.
مش دايمًا منعرف شو هو.. أو مين.. ولا من وين جايي.

بس منرتاح.

يمكن دعوة وصلاة إم.
يمكن قلب عم يفكّر فيك من بعيد.
يمكن حدا..
واقف حدّك أو بظهرك بطريقة ما بتِنعرف ولا بتِنفهم. 

لما بلّشْت فَكِّر بهالقطعة،
ما كنت بدّي إرسُم قلب وبس.

طلع معي شكل.. كأنه شخص.

قلب صغير عم يغزُل طلوع.
متل نيّة صافية.
متل روح حلوة.

وقلب أكبر، مقلوب..
كأنه عم يحمُل.
عم يضُمّ.

وجانحين خفاف.
مش كرمال يطيروا…
إنما كرمال يقَربوا.

هيك شفت السنسال.
مش تصميم.
حضور.

قلب..
عم يحرُس قلب.

يمكن كل شخص فينا عندُه هيك حدا.
أو يمكن نحنا،
عم نكون هيك حدا لغيرنا.

وبهيدا الوقت،
يمكن أهم شي نتذكّرُه..

إنه الحماية مش دايمًا عالمفضوح.
مش دايماً واضحة.
مش دايماً منشوفها بالعين المجرّدة أو منتقبّلها على الصعيد الشخصي.

بس دايماً موجودة.

ولما تلبسي سنسال The Guardian Heart، أو القلب الحارس،
يمكن ما يتغيّر شي من برا. مش بالظاهر.

بس جوّا.. بالصميم،
رح يضل شي يذكّرك إنه في حدا.
في حب.
في قوة عم تحرسِك.

بهدوء.

إلبِسي نعمتِك.
.Wear your blessing